Rəsmiləşdirmə mütəxəssisi
vakansiya — 2024

Azərbaycan Beynəlxalq Bankı Kiçik və Orta Sahibkarlarla İş Departamentinin Kiçik və Orta Biznes Kreditlərinin Rəsmiləşdirilməsi şöbəsinə Rəsmiləşdirmə mütəxəssisi vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankının yaratdığı bu imkandan faydalanmağa çağırırıq.

Görəcəyiniz işlər:

• KOS seqmentinə aid bütün müştərilərə kreditlərin rəsmiləşdirmə xidmətinin göstərilməsi;
• Müştərilərə səyyar kreditlərin rəsmiləşdirilməsi xidmətin göstərilməsi;
• Notariuslarla iş üzrə müqavilələrin imzalanmasını həyata keçirtmək;
• Kredit, Qarantiya, Akkreditiv, Zaminlik, Girov, İpoteka müqavilələrinin hazırlanması;
• Əqdlərin AƏS-ə daxil olunması, kreditlərin təsdiq olunması üçün müvafiq prosedurların aparılması kreditlerim tesdiq olunmasi uchun müvafiq prosedurlarin aparilmasi;
• Rəsmiləşdirmə prosesində tələb olunan sənədlərin toplanması üçün müştərilərə dəstək göstərilməsi.

Bizim üçün ideal namizəd:

• Ali təhsilli;
• Bankın müştərilərə xidmət sahəsində 1 ildən artıq iş təcrübəsi olan;
• BPM, Bİ, Flexcube, Microsoft office proqramlarında sərbəst iş bacarığı olan;
• Hüquqi biliklərin olan;
• Yazılı və şifahi ünsiyyət bacarığı olan;
• Kollektivlə aktiv işləmək bacarığı olan şəxsdir.

Bu iş sizə nələri qazandıracaq:

• Bank sahəsində iş proseslərini dərindən öyrənmək imkanı;
• Müvafiq sahədə potensialınızı reallaşdırmaq imkanı;
• Zəngin təcrübə qazanmaq və fərdi inkişaf imkanı;
• Peşəkar sahədə geniş əlaqələr qurmaq imkanı;
• Yüksək şəxsi və peşəkar keyfiyyətlərə malik komandanın bir üzvü olmaq.

Əgər axtardığımız ideal namizəd sizsinizsə CV-nizi cv@ibar.az elektron ünvanına göndərə bilərsiniz.
Məktubun mövzu hissəsində müraciət edilən vəzifə adının “Rəsmiləşdirmə mütəxəssisi” şəklində göstərilməsi xahiş olunur.