Parla Satış Proqramı (Təçrübəçi)
vakansiya — 2024

İstedadlı insanlarla işləmək, professional mühitdə inkişaf etmək və potensialınızı həyata keçirmək üçün fürsət veririk. Həmçinin ümid edirik ki, bizimlə birlikdə pasiyentlərin həyatını yaxşılaşdırmaq üçün mümkün olan hər şeyi edəcəksiniz!

“Parla Pharmaceuticals” şirkəti, yüksək texnologiyalı dərmanların tam istehsalına yönəlmiş, Azərbaycanın ilk elmi əsaslı əczaçılıq şirkəti olaraq 2019-cu ilin sentyabr ayında təsis edilmişdir. İlkin məqsəd əlverişli qiymətə yüksək keyfiyyətli əczaçılıq məhsulları istehsal etməkdir və missiyamız əczaçılıq bazarında və cəmiyyətdə müştəri yönümlü yanaşmanı və liderliyi inkişaf etdirməkdir. Qabaqcıl biotexnoloji və nanotexnoloji məhsulların ixracı əsas istiqamətlərdən biridir. Parla bütün dünyada Azərbaycanın ən yaxşı Əczaçılıq brendi olmaqda iddialıdır.

Təcrübə proqramı:

Satış komandamıza qoşulmaq üçün motivasiyalı və istedadlı gənclər axtarışındayıq. Təcrübə proqramı ödənişlidir və 3 ay sınaq müddəti olmaqla, 6 ayı əhatə edir. Təcrübə proqramını uğurla başa vuran namizədlər Parla Pharmaceuticals şirkətində iş ilə təmin olunmaq fürsəti qazanacaqlar.

Namizədə tələblər:

• Satış, Reklam, Marketinq, Biznesin idarəedilməsi, Əczaçılıq, Tibb və ya digər əlaqədar sahə üzrə təhsil alan tələbələr və ya yeni məzunlar
• Mükəmməl ünsiyyət bacarıqları
• Yüksək templi komanda şəraitində işləmək bacarığı
• MS Office proqramları ilə işləmək bacarığı

Öhdəliklər:

• Potensial müştəri bazasının araşdırılması və yaradılması
• Müştəri məlumatları, təqdimatlar və satış materiallarının hazırlanmasına dəstək
• Müştəri əlaqələrini inkişaf etdirmək və mövcud bazanı saxlamağa dəstək
• Satış texnikalarını öyrənərək tətbiq etmək

Biz təklif edirik:

• Satış, Marketinq və Biznesin İdarəedilməsi sahələrində 15 ildən artıq təcrübəsi olan mütəxəssislər tərədindən intensiv nəzəri və praktiki təlimlər
• Real layihələr üzərində işləmək imkanı
• Satış sahəsinin hər mərhələsində təcrübə imkanı
• Təcrübəli satış mütəxəssisləri ilə əməkdaşlıq
• Bu sahədə 10 ildən artıq təcrübəsi olan mentorlarla sıx əməkdaşlıq
• Şirkətdaxili iclaslar, tədbirlər və digər fəaliyyətlərdə aktiv iştirak imkanı
• Təcrübə proqramını uğurla başa vuran gənclər üçün iş imkanı

CV-lərinizi mövzu hissəsində “Parla Gənclər Akademiyası” qeyd edərək 31 yanvar 2021-ci il tarixinədək hr@parlapharma.com e-mail ünvanına göndərin.