Hüquq sahəsi üzrə təcrübə proqramı
vakansiya — 2024

Bu proqramda iştirak etməklə, Siz logistika, beynəlxalq karqo yükdaşımaları sahəsində hüquqi biliklərinizi tətbiq edərək, iş prosesində yeni bilik və bacarıqlara yiyələnmək şansı əldə edəcəksiniz.

Sizə nə təklif edirik?

• Regiounun ən böyük logistik mərkəzində, peşəkarların əhatəsində təcrübə keçmək və çalışmaq imkanı;
• Yüksək komanda ruhunda əməkdaşlıq;
• Öz bilik və bacarıqlarınızı nümayiş etdirərək karyera qurmaq imkanları;
• Fərdi və peşəkar bacarıqlarınızı inkişaf etdirmək üçün əlverişli mühit;
• Nəqliyyat, yükdaşımalar, beynəlxalq yükdaşıma prosesləri sahəsində sənədlərlə işləmək imkanları;
• Abşeron Logistika Mərkəzinin peşəkar komandasının bir üzvü olmaq şansı.

Peşəkar komandamıza qoşulmaq üçün nələr lazımdır?

• Hüquq sahəsində ali təhsil;
• Azərbaycan dili əla səviyyədə, Rus dili orta səviyyədə, İngilis dili arzuolunandır;
• MS Offise proqramlarında, xüsusilə Word -də yüksək səviyyədə iş bacarığı;
• Fikrini dəqiq, dolğun və özünə əminliklə təqdimetmə, hüquqi ekspertiza etmək bacarıqları;
• Gülərüzlülük, səliqəlilik və xoş görkəm;
• Yüksək səviyyədə yazılı və şifahi ünsiyyət bacarığı;
• Aktiv, məsuliyyətli və nəticəyə işləmək bacarığı;
• Yüksək araşdırma və tədqiqat bacarığı;
• Davamlı olaraq nəticələr əldə etmək və şirkətlə birlikdə inkişaf arzusu;
• Məntiqi təfəkkür və hüquqi təhlil, tətbiq bacarığı;
• Yeni bilik və bacarıqlara yiyələnmək həvəsi, təşəbbüskarlıq;
• Komandanın üzvü olmaq üçün yeni iş mühiti və kollektivə çevik uyğunlaşmaq bacarığı.

Təcrübə Proqramı hansı fəaliyyətləri əhatə edəcək?

• Hüquqi sənədlərlə iş, mövcud baza ilə işləmək, bazanı qorumaq, təkmilləşdirmək;
• Sənədlərin təhlili, hüquqi araşdırılması, müqavilələrin tərtibi, akt və sərəncamları, normativ hüquqi sənədlərin ekspertizasında iştirak;
• Görüş və təqdimatların təşkili, iştirak;
• Müştərilər ilə rəsmiləşdirmə üzrə görüşlərdə iştirak;
• Şirkətin fəaliyyətinin hüquqi təminatı ilə bağlı yaranan məsələlər üzrə rəy verilməsi, hüquqi sənədləri hazırlanması prosesində iştirak etmək;
• Dövri hesabatların hazırlanması və təqdim edilməsi.

Peşəkar komandamıza qoşulmaq və karyera yüksəlişinizi Mərkəzimizin inkişafı ilə birgə  əldə etmək istəyirsinizsə CV-nizi 15 yanvar 2022-ci il tarixinədək, mövzu hissəsində “Hüquq sahəsində təcrübə proqramı” yazmaqla göndərməyiniz xahiş olunur.

Mənbə: jobsearch.az