Filialların optimizasiyası şöbəsinə Aparıcı mütəxəssis
vakansiya — 2025

Azərbaycan Beynəlxalq Bankı Filialların optimizasiyası şöbəsinə Aparıcı mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Azərbaycan Beynəlxalq Bankının komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• Beynəlxalq standartları yerli bazara gətirən qurumda potensialı reallaşdırmaq şansı;
• Rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• Gənc və peşəkar kollektivdə çalışmağın üstünlüyü;
• Yüksək komanda ruhunda əməkdaşlıq;
• Karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması;
• Əməkdaşların yeni trendlərə uyğun təşkil olunan daxili və xarici təlimlərdə iştirakı;
• Əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat.

Görəcəyiniz işlər:

• Layihə çərçivəsində tam ştat çalışmaq, MXS və filialların optimizasiya komandası arasında körpü funksiyasını daşımaq;
• MXS-də aparılan təhlili Excel proqramında əks etdirmək və ehtiyac olduqda nəticələri formalaşdırmaq;
• MXS əməkdaşlarını müsahibə etmək, mövcud çətinlikləri və mümkün olan təkmilləşmələri müəyyən etmək;
• MXS əməkdaşları üçün təlimlər təşkil etmək;
• Layihənin növbəti mərhələləri üçün gələcək nəsil dəyişiklik agentlərini hazırlamaq;
• Aparılmış təhlilləri və əldə edilmiş nəticələri rəhbərliyə təqdim etmək;
• Təhlil və nəticələr üzrə planlaşdırma etmək və həllini istiqamətləndirmək, əsas maraqlı tərəflərə icra vəziyyəti barədə məlumat vermək.

Bizim üçün uyğun namizəd:

• Ali təhsilli (iqtisadiyyat ixtisası üstünlükdür);
• Bank və maliyyə sahələri üzrə 3-4 il iş təcrübəsinə sahib;
• Azərbaycan dilini mükəmməl, rus və ingilis dillərini yaxşı səviyyədə bilən;
• Microsoft Office proqramlarında yüksək səviyyədə iş bacarığı olan;
• Yüksək analitik qabiliyyətlərə malik;
• Komandada işləmək bacarığına sahib;
• Yüksək səviyyədə kommunikasiya bacarığına sahib;
• Problemləri həll etmə bacarığına malik;
• Yüksək planlaşdırma və icra keyfiyyətlərinə malik olan şəxsdir.

Göstərilən tələblərə cavab verən namizədlər öz CV-lərini cv@ibar.az elektron ünvanına göndərə bilərlər.

Məktubun mövzu hissəsində müraciət edilən vəzifə adının “Filialların optimizasiyası şöbəsinə Aparıcı mütəxəssis” göstərilməsi xahiş edilir. Əks təqdirdə, müraciətiniz nəzərdən qaça bilər.

İşə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.

Əlavə məlumat üçün: www.ibar.az