CRM şöbəsi – baş mütəxəssis
vakansiya — 2025

Azərbaycan Beynəlxalq Bankı Pərakəndə CRM şöbəsinə baş mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Azərbaycan Beynəlxalq Bankının komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• Beynəlxalq standartları yerli bazara gətirən qurumda potensialı reallaşdırmaq şansı;
• Rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• Gənc və peşəkar kollektivdə çalışmağın üstünlüyü;
• Yüksək komanda ruhunda əməkdaşlıq;
• Karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması;
• Əməkdaşların yeni trendlərə uyğun təşkil olunan daxili və xarici təlimlərdə iştirakı;
• Əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat.

Görəcəyiniz işlər:

• Hədəf müştəri seqmentlərini formalaşdırmaq və müştəri davranışlarını analiz etmək;
• CRM kampaniyaların planlaşdırılması və həyata keçirilməsi;
• CRM kampaniyaların effektivliyinin ölçülməsi və nəticələri haqqında hesabatın hazırlanmasına nəzarət etmək;
• CRM sistem hazırlanması və effektiv istifadəsinin təmin edilməsində iştirak etmək;
• CRM kampaniyalarının həyata keçirilməsi üzrə biznes proseslərin optimallaşdırılmasında iştirak etmək;
• CRM kampaniyaları üzrə fəaliyyətə dair tələb olunan hesabatların hazırlanması və rəhbərliyə təqdim edilməsini təmin etmək.

Bizim üçün uyğun namizəd:

• Ali təhsilli;
• Azərbaycan və rus dillərini mükəmməl bilən;
• MS Excel, Word ,Outlook və SQL proqramları ilə əla səviyyədə işləmək qabiliyyəti olan;
• Komandada işləmək bacarığı olan ;
• Analitik zəka, müştərilərlə yüksək səviyyədi işləmək motivasiyası olan şəxsdir.

Əgər axtardığımız namizəd sizsinizsə CV-nizi cv@ibar.az elektron ünvanına göndərə bilərsiniz.

Məktubun mövzu hissəsində müraciət edilən vəzifə adının “CRM şöbəsi – baş mütəxəssis” şəklində göstərilməsi xahiş edilir.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az