Back-End Proqramlaşdırma – Müəllim
vakansiya — 2024

Şirkət haqqında

Code Academy yüksək texnologiyalar sahəsində təcrübəli mütəxəssislər hazırlayan tədris müəssisəsidir. Code Academy-nin məqsədi Azərbaycanda bu sahədə karyera qurmaq istəyənlərin potensialını dəyərləndirmək, fərdi və peşəkar inkişafı üçün onları lazımi məlumatlarla və praktiki vərdişlərlə təmin etməkdir.

Code Academy-nin təhsil strategiyasının əsas məqsədlərindən biri qlobal bazarda rəqabət apara biləcək kadrlar hazırlamaqdır. Sektorun dəyişən ehtiyaclarını qiymətləndirmək üçün şirkət rəhbərləri ilə davamlı ünsiyyətdə olan Code Academy bu sahənin gözləntilərinə uyğun təcrübəli mütəxəssislər yetişdirir.

Code Academy rəqabətli məvacib və yüksək standartlara uyğun iş şəraiti təklif edir.
Haqqımızda daha ətraflı məlumatı www.code.edu.az saytından ala bilərsiniz.

Code Academy-də Proqramlaşdırma bölməsi peşəkarlar və müəllimləri Proqramlaşdırma təhsil proqramları üçün müəllim vəzifəsinə müraciət etməyə dəvət edir. Biz peşəkar və böyüyən mühitdə bizimlə əməkdaşlıq etmək istəyən dinamik, enerjili və təşəbbüskar müəllimlər axtarırıq. Əmək haqqı namizədin göstəricilərinə bağlıdır və işə götürüləcək müəllimin yeni başlayan tələbələri öyrətməsi gözlənilir.

Back-End Proqramlaşdırma – Müəllim

Biz sizə həftədə 4 günlük, gündə 4 saatlıq iş rejimi təklif edirik. İş saatları: 09:00-13:00 və ya 14:00-18:00 müddətindədir. Tədris iş yükü müqavilədən asılı olaraq həftədə ən az 1 qrup, ən çox 3 qrupdur.

İşin təsviri və öhdəliklər:

Tələbələrə aşağıdakı proqramlar üzrə bilikləri aşılamaq tələb olunur:

• Programming in C# and MS-SQL experience in MVC pattern and use of it in an Object Oriented (OOP) development with .NET
• Developing ASP.Net MVC 5 and Core Web Applications
• SOAP & REST web services
• Developing Windows Azure
• Code Academy və Microsoft kurrikulumunun tələb və qaydalarına əsasən tədris proqramını hazırlamaq və inkişaf etdirmək;
• Dərs və lab saatlarında vaxtında iştirak etmək və dərs materialına əsasən işləmək;
• Tələbələrin suallarına və tapşırıqlarına vaxtında düzgün cavab və rəy bildirmək;
• Tələbələrin dərsdə iştirak və fəaliyyətinin mütəmadi qiymətləndirilməsini müvafiq sistemə əsasən həyata keçirmək;
• Code Academy dəyərlərinə əsasən xidmət göstərmək.

Tələb olunan bilik və təcrübə:

• 3-4 il Proqramlaşdırma sahəsində iş təcrübəsinin olması;
• Azərbaycan dilində əla yazılı və şifahi dil bacarıqları, ingilis dilini bilməsi üstünlükdür;
• Müəllimliyi və ya öyrətməyi sevməsi və öz üzərində bu sahədə daim yeniliklər etməsi.

Əlavə olaraq aşağıdakıları bilməsi üstünlükdür:

• Microsoft Certified Professional olması
• Dərs proqramı hazırlamaq və dərs keçmək sahəsində təcrübəsinin olması arzuolunandır.

Özünü bu vakansiyaya uyğun hesab edən namizədlər hr@code.edu.az ünvanına başlıqda vəzifənin adı olmaqla öz rezümelərini və öz portfolioları haqda qısa məlumatı GitHub hesabı ilə birgə göndərsinlər. Başlıq və işə nə üçün maraqlı olduğunuzu ifadə edən bir paraqraf yazılmayan rezümelərə baxılmayacaq. Yalnız müsahibə mərhələsinə keçən namizədlərlə əlaqə saxlanılacaq.