Qısa məzmun
PASHA Bank Mükafatlandırma və İR Əməliyyatları üzrə Kiçik Mütəxəssis vəzifəsi üzrə vakansiya elan edir.
Bizimlə Siz əldə edəcəksiniz:
- Maliyyə sabitliyi: Rəqabətli əmək haqqı
- Sağlamlığınıza qayğı: Ailə sığortası və idman xərclərinizin ödənilməsi
- Endirimlər platformasına çıxış: Partnyor məkanlarda endirimlərdən faydalanma imkanı
- Bilik və bacarıqların inkişafı: Mütərəqqi təlim imkanlarından yararlanma şansı
- Rahatlıq: Sərbəst geyim üslubu (rəsmi tədbirlər istisna)
İşiniz nədən ibarətdir?
- Yeni işçilərin qeydiyyatı, İT departamentinə sorğuların açılması, müvafiq sənədlər üçün müraciət (sosial sığorta şəhadətnaməsi, bank vəsiqəsi, əmək haqqı kartı, əmək kitabçası, icbari sığorta və s.), “E-gov” portalına və “SAP HRMS” sisteminə daxil edilməsi;
- Güzəşt və mənfəətlərin idarəedilməsi; (idman güzəştindən istifadə üçün müraciətlərin qeydiyyatının aparılması, işçilərə və fitnes mərkəzlərə lazımi informasiyaların təqdim edilməsi, biznes kartları və s.)
- Aktiv işçilərin şəxsi işlərinin yerli qanunvericiliyə və daxili qaydalara əsasən saxlanılması;
- İR dəstək xidmətinə (Help Desk) ünvanlanan əməkdaş sorğularının cavablandırılması, telefon zəngi və imeyl vasitəsilə yönləndirilməsi;
- Yeni işçilərin ilk iş günündə ilkin təqdimatın təşkil edilməsi: qarşılanma, müqavilənin izah edilməsi, “Salamlama” paketinin təqdim edilməsi;
- İR əməliyyatlar istiqamətinin mütəxəssisi ilə əməkdaşlıq çərçivəsində yeni gələn işçilərin şəxsi işlərinin, İR sənədlərin və formalarının təminatı;
- İşçilərin vəzifə dəyişikliyi və ya işçilər işdən çıxdıqda İT departamentinə sorğu açılması və İcbari Sığortaya müvafiq məlumatın təqdim edilməsi;
- Təcrübəçi və xidmət müqavilələri üzrə çalışan işçilərin şəxsi işlərinin saxlanılması və onların “SAP” sistemində qeydiyyatının aparılması; (işə qəbul, işdən çıxma və digər dəyişikliklər)
- Proses, qayda və təlimatların yazılması, həmçinin lazım olduqda dəyişikliklərin edilməsi;
- Yeni işçilərin sınaq müddətinin və illik əmək müqavilələrinin bitmə vaxtının monitorinqi və müvafiq İR Biznes Partnyorunun vaxtında məlumatlandırılması;
- “İntranet”in yenilənməsi: bütün işçi əlaqələrinin, daxili və mobil telefon nömrələrinin, fotoşəkillərinin “SAP master” faylı ilə uzlaşdırılması;
- Yeni əməkdaşlar üçün nəzərdə tutulan aylıq təqdimatlarda iştirak;
- Yeni işçilərə ümumi və İR əməliyyatları ilə əlaqəli məlumatların təqdim edilməsi; (məzuniyyət planları, əmək haqqı, ezamiyyət, mükafatlandırma, kompensasiya və s.)
- Əmək haqqı hesablanmasında şöbədaxili həmkarlara dəstək, səhvlərin aşkarlanması və aradan qaldırılması, əməkdaşlardan gələn sualların cavablandırılması;
- Əmək və xidmət müqavilələrinin tərtib edilməsi;
- Şöbənin sifariş formalarının yazılması və idarəedilməsi;
- Bankın daxili qayda, proses, siyasət və təlimatlarına (o cümlədən, SƏTƏM-lə əlaqədar) ciddi şəkildə əməl etmək və onların pozulmasına görə məsuliyyət;
- Hər hansı qəza, insident və təhlükəli hallar barəsində dərhal birbaşa rəhbərin məlumatlandırılması.
Sizdən nə tələb olunur?
- Təhsil: Bakalavr təhsili
- İş təcrübəsi: 1-2 il İR əməliyyat, kadr kargüzarlığı, güzəşt, mənfəət və ya digər İR sahələri üzrə
- Xarici dillər: İngilis dili
- Kompüter bilikləri: MS ofis proqramları
- Digər: Güclü ünsiyyət bacarığı, enerjili və çevik
- Üstünlük verilir: “SAP” biliyi
Müraciət edin:
Tələblərə cavab verdiyiniz halda, müraciətlərinizi 28.02.2022-ci il tarixinədək başlıqda “Mükafatlandırma və İR Əməliyyatları üzrə Kiçik Mütəxəssis” qeyd edərək göndərməyiniz xahiş olunur. Nəzərinizə çatdırırıq ki, yalnız seçilmiş namizədlərlə əlaqə saxlanılacaq.
Mənbə: jobsearch.az