Mühasib
vakansiya — 2025

Az Smart MMC müxtəlif növ ticarət və xidmət sahələri, eləcə də bank sektoruna innovativ maliyyə texnologiyaları üzrə həllər təklif edir. Az Smart MMC 2019-cu ildə Azərbaycan Respublikasının İqtisadiyyat Nazirliyi nəzdnində Dövlət Vergi Xidmətində Yeni Nəsil Nəzarət Kassa Aparatı operatoru kimi qeydiyyatdan keçmişdir.

Az Smart MMC, Azərbaycan Respublikası qanunvericiliyi ilə müəyyən edilmiş standartlara cavab verən Nəzarət Kassa Aparatları və proqram təminatı üzrə kompleks həllərini ölkə üzrə müxtəlif ticarət sektorlarına təklif edir. Bu həllər sahibkarların gündəlik işlərini daha sadə və effektiv aparılmasına dəstək olaraq, şəffaf hesabatlılıq və etibarlı sahibkarlıq prinsipləri əsasında işləməyə şərait yaradır.

Şirkətimiz İspaniya, Çin, İngiltərə, Böyük Britaniya, Rusiya və Hollandiyada nümayəndəlikləri olan və innovativ maliyyə texnlogiyalarının tətbiqi üzrə beynəlxalq layihələr həyata keçirən “E-21 Partners” holdinqi ilə əməkdaşlıq edir. “E-21 Partners” Rusiya, Qazaxıstan, Özbəkistan və Moldova kimi ölkələrdə yeni nəsil onlayn kassa aparatlarının tətbiqində geniş təcrübəyə malikdir.

Şirkətimizə Mühasib axtarılır.

Vəzifəyə olan tələblər:

• Ali iqtisadi təhsil (Maliyyə, Mühasibat uçotu və audit)
• Dil bilikləri: Azərbaycan (əsas), Rus (orta), İngilis (orta)
• MS Office bilikləri
• Mühasibatlıq sahəsində 1-2 il iş təcrübəsi.
• Öyrənməyə və inkişafa yüksək həvəs;
• Məsuliyyətlilik və detallara qarşı diqqətlilik;

Vəzifə öhdəlikləri:

• Mühasibat uçotu üzrə ilkin sənədləşmənin təşkili
• Vergi və mühasibat uçotunun aparılması
• Kassa, Bank əməliyyatlarının həyata keçirilməsi, qaimə və vergi hesab fakturaların yazılması, qarşılıqlı hesablaşma və üzləşmə aktlarının tərtib edilməsi
• Debitor və kreditor hesablaşmaların aparılması
• Əmək haqqı, məzuniyyətlərin hesablanması
• Əsas vəsaitlərin alınması, istismara verilməsi, köhnəlməsinin hesablanması, balansdan silinməsi və s.
• Gündəlik və aylıq hesabatların tərtib edilməsi
• Aylıq daxili maliyyə hesabatlarının hazırlanması
• Vergi orqanlarından daxil olan məktubların nəzarətda saxlanılması və müvafiq yazışmaların aparılması
• Aylıq, rüblük və illik Vergi, DSMF və Statistika hesabatlarının hazırlanması və aidiyyəti orqanlara təqdim edilməsi

Digər məlumat:

• AR Əmək Məcəlləsinə əsasən sənədləşmə
• İş qrafiki: bazar ertəsi – cümə;
• İş saatı:09:00-dan 18:00-dək

Tələblərə cavab verən namizədlər Oktyabr ayının 5-dək öz CV formalarını jobs@azsmart.az elektron ünvanına təqdim etməlidirlər. Müraciət məktubunun mövzu hissəsində “Mühasib” qeyd etməyiniz vacibdir.

İşə qəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.